Greinasafn

Á þessari síðu söfnum við saman öllum þeim greinum sem birtar hafa verið á snjallskoli.is. Til að byrja með munu greinarnar ekki vera flokkaðar heldur einfaldlega raðað upp í tímaröð. Eftir því sem greinum fjölgar munum við flokka greinarnar eftir því sem við á þannig að auðveldara verði fyrir notendur þessa vefs að fá yfirsýn yfir tiltekinn málaflokk.

Í millitíðinni er mögulegt að nota „töggin“ – merkimiða sem fylgir hverri grein – og finna má í hliðarstikunni hér til hægri.

NB Forlag gefur út Núa og Níu app 20. janúar - Bækur eru frábærar! En hvað má þá segja um þau öpp sem eru í senn bók, hljóðbók og leikur, eru gagnvirk og gera notandanum kleift að velja á milli tungumála? Út er komið spennandi barnabókarapp sem nefnist Núi og Nía, byggt á samnefndri barnabók eftir Línu Rut Wilberg og Þorgrím Þráinsson.
Minecraft í kennslu Gunnlaugs 22. september - Gunnlaugur Smárason hefur veitt hinum geysivinsæla Minecraft leik töluverðan tíma og athygli eftir að hann frétti af MinecraftEdu og kennslutækifærunum sem þar greinir frá. Snjallskólinn bað Gunnlaug að segja frá þessu kennsluævintýri á Snjallskólanum og var það auðsótt mál.
Veggjalist í Árbæjarskóla fer á flug 01. apríl - Haustönn 2015 var nýr áfangi kynntur til sögunnar fyrir elsta stig Árbæjarskóla og kallast hann Veggjalist. Í honum nýta nemendur spjaldtölvur við gerð veggmynda í skólanum.
Íslenska skiptir máli 03. desember - Við sperrum eyrun sérstaklega þegar fjölmiðlar fjalla um máltækni og vekja athygli á mikilvægi þess að rækta tungumálið okkar á tækniöld. Af umræðunni er ljóst að enn eru margir sem halda að snjallsímar séu almennt ekki með íslensku notendaviðmóti og skilji ekki íslensku. Þetta er meinloka sem Snjallskólinn telur mikilvægt að leiðrétta.
Í forritunarlauginni með Khan Academy 16. október - Hans Rúnar Snorrason segir frá tilraun með forritunarkennslu í valáfanga unglinga í Hrafnagilsskóla í Eyjafirði. „Það sýndi sig svo sannarlega að ein besta leiðin til að læra eitthvað er að kenna það”, segir Hans Rúnar og er þá að vísa til námsaðferðar nemendanna sjálfra.
Ný markmiðaáætlun styrkir starfið 23. september - Haustið 2014 gaf Vífilsskóli, miðstigsskóli Hjallastefnunnar í Garðabæ, út nýja markmiðaáætlun. Hún er kennurum, börnum og foreldrum leiðarljós í þróun upplýsingatæknimála. Einar Ómarsson, verkefnastjóri spjaldtölvuinnleiðingar, greinir frá þróunarstarfinu.
Ísl-enska til alls? 05. maí - Linda Markúsardóttir, talmeinafræðingur, vakti á dögunum verðskuldaða athygli með blaðagrein um hnignandi orðaforða íslenskra barna. Snjallskólinn fékk Lindu til að rýna enn frekar í málið.
Moodle námsvefurinn með augum Önnu Maríu 29. apríl - Námsumsjónakerfi, eða námsvefir eins og sumir nefna kerfin, eru stór liður í allri upplýsingatækniþróun í skólastarfi. Hér segir Anna María Þorkelsdóttir, dönskukennari og verkefnastjóri í Hólabrekkuskóla frá reynslu sinni af Moodle námsvefnum.
Íslenskar hljóðbækur í snjalltæki 24. mars - Nýlegt snjallforrit veitir lesblindum og öðrum notendum Hljóðbókasafnsins stórbættan aðgang að hljóðbókum á íslensku. Snjallskólinn skoðaði HBS-appið og heyrði hljóðið í fólki sem notfærir sér það daglega.
Stafræn borgaravitund 20. febrúar - Samhliða aukinni netaðsókn og með stórbættu netaðgengi eiga hversdagsleg samskipti manna sér stað öðruvísi en áður. Í siðrænu tilliti gengur þó ekki að láta anda og óreglu hins villta vesturs gilda um netlíf manna. Sigurður Haukur Gíslason vekur máls á stafrænni borgaravitund.
Það er gott að kynna í Kópavogi 10. febrúar - Snjallskólinn fékk á dögunum tækifæri til að kynna fyrir Kópavogsbæ hvernig nýta megi Android og snjalltækni í skólastarfi. Við tókum saman brot af því besta úr kynningu okkar og veltum einnig vöngum yfir valferlinu.
Snjallar reglur 23. janúar - Tillitsemi í umgengni er afar mikilsverð og á það ekki síst við um tæki og tækni eins og flestir vita. Góðar skólareglur stuðla að góðri umgengi en viðurlög við brotum á skólareglum þurfa að taka mið af réttindum nemenda. Snjallskólinn fékk Umboðsmann barna til þess að varpa ljósi á þennan mikilsverða málaflokk.
Spegluð kennsla í Álftanesskóla 22. janúar - Kennari í stærðfræði og náttúrufræði í Álftanesskóla, Gauti Eiríksson, gerði áhugaverðar kennslutilraunir með vendikennslu skólaárið 2013-2014. Í kjölfarið bjó hann til viðhorfskannanir sem lagðar voru fyrir nemendurna og foreldra þeirra.
Umheimurinn í skólastofuna 16. desember - Með samskiptaforritum á borð við Skype og Google Hangout geta kennarar opnað kennslustofur sínar fyrir umheiminum. Þannig geta nemendur lært af öðrum nemendum og stækkað sjóndeildarhringinn. Kennarar og foreldrar geta einnig nýtt sér tæknina til ýmissa samskipta.
Skrímsli í skólanum 10. desember - Listgreinakennar í Sæmundarskóla blönduðu saman gamalli og nýrri tækni í þemavinnu og gáfu um leið sköpunargleði nemenda lausan tauminn. Útkoman var skemmtileg og kennarar reynslunni ríkari um hvernig hægt er að vinna verkefnavinnu með snjalltækjum.
Snjalltæki er verkfæri 17. nóvember - Í samfélaginu á sér stað bylting sem ekki fer framhjá skólafólki. Byltingarvaldurinn er snjalltækið sem margir líta eingöngu á sem leiktæki en ekki sem verkfæri. Skólarstjórnendur þurfa að hugleiða hvernig tækin eiga að koma að gagni áður en haldið er af stað í snjalltækjavæðingu.
Meira en þúsund orð 14. október - Myndlæsi og myndræn miðlun er færni sem skiptir máli. Skólar gerðu vel í því að kenna nemendum að nýta sér myndmál, skilja það og tjá sig með því. Snjalltækni felur í sér fjölbreytt verkfæri sem geta komið að góðum notum.
Snjallir fjölmiðlamenn 17. september - Hér má finna fróðlegt viðtal við fjölmiðlamenn sem nýta sér snjalltækni til að einfalda og hraða vinnslu frétta. Hér er á ferðinni áhugavert dæmi um það hvernig snjalltækni hefur umbylt verkferlum innan atvinnulífsins en um leið er þarna að finna ýmis góð ráð um myndatöku sem gætu gagnast í skólastarfi.
Gagnleg skýrsla Sæmundarskóla 10. september - Áfangaskýrsla um innleiðingu spjaldtölva í Sæmundarskóla fjallar um hvernig Sæmundarskóli bar sig að við innleiðinguna. Hér er á ferðinni samantekt sem væntanlega nýtist öðrum sem eru að stíga skref í átt að snjallvæðingu skólastarfs.
Þrír lykilþættir við innleiðingu snjalltækja í skóla 28. maí - Að mörgu er að huga þegar til stendur að þróa skólastarf með innleiðingu á snjalltækjum. Góður undirbúningur kennara er þar lykilatriði eins og farið er yfr í þessari grein.
Tilraun í kennslu – ástæða, forsaga, útfærsla, útkoma 27. maí - Eiríkur Rögnvaldsson, prófessor, tók eftir því að nemendur hans lærðu ekki „línulega“ og ákvað að gera tilraun með vendikennslu. Hér er grein hans um þá tilraun sem er allrar athygli verð.
Stafrænar bækur í leik og starfi 19. maí - Stafrænar bækur þurfa ekki að fylgja hinu hefðbundna prentaða bókaumbroti og geta verið í mismunandi formi. Hér er varpað ljósi á mismunandi form stafrænna bóka kosti þeirra og galla.
Íslenskt notendaviðmót – skiptir það máli? 25. apríl - Íslendingar geta notað „fartölvu í leigubíl“ á meðan frændur okkar Danir þurfa að láta sér nægja að nota „laptop i taxa“. Skiptir það máli?
Skýjað með snjalltækjum á köflum 06. apríl - Tilurð tölvuskýja er lykilþáttur í þróun undanfarinna ára sem tengir notendur snjalltækja við hvað sem er, hvenær sem er. Þróunin opnar nýjar leiðir í skólastarfi.
Forritun á unglingastigi í Sæmundarskóla 27. mars - Unglingar kenna yngri nemendum forritun. Í unglingadeild Sæmundarskóla er boðið upp á sex vikna námskeið fimm sinnum yfir skólaárið. Eitt af námskeiðunum sem hefur verið í boði er forritun.
Það borgar sig að vera opin 25. mars - Þegar horft er til þróunar á skólastarfi er mikilsvert að tryggja að fjárfesting í þekkingu endist lengi og nýtist sem breiðustum hópi. Þess vegna er snjallt að velja opnar lausnir. Þörf er á stefnumótandi áætlun um málið.
Straumhvörf í skólastarfi 24. mars - Þótt spjaldtölvan muni seint koma í stað kennarans má hins vegar gera sér vonir um að hægt sé að gera skólastarf hnitmiðaðra, skilvirkara, ódýrara og skemmtilegra með skynsamlegri nýtingu snjalltækja.
Fréttaþættir á Vimeo 21. mars - Fréttamaður, hvað gerir hann? Nemendur í 3ja bekk Sæmundarskóla veltu þessarari spurningu fyrir sér og unnu skemmtilegt verkefni með spjaldtölvum.
Frelsið er yndislegt 21. mars - Samkvæmt Gartner er Android komið með yfir 80% markaðshlutdeild og er því lang-vinsælasta stýrikerfið í dag. Hvernig stendur á því ? Svarið liggur að nokkru leyti í frelsinu.
Forritunarkennsla á miðstigi 20. mars - Í 6.-7. bekk Sæmundarskóla er boðið upp á smiðjur þar sem nemendur geta valið sér forritun með aðstoð Code.org. Hér segir stuttlega frá reynslunni af því.
Android spjaldtölvur vinsælastar 15. mars - Á mjög skömmum tíma hefur orðið viðsnúningur á því hvaða spjaldtölvur eru vinsælastar. Hlutdeild Android af markaðinum hefur aukist hratt og má búast við að þróunin verði með svipuðum hætti og á snjallsímamarkaðinum.
Fyrsta íslenska orðabókin fyrir snjalltæki 10. febrúar - Ertu á höttunum eftir fleygum orðum til að nota í ritgerð eða tækifærisræðu? Orð í tíma töluð hefur að geyma þúsundir tilvitnana – beint í snjalltækið. Hafsjór af tilvitnunum í einföldu appi sem fólk getur haft gagn og gaman af.
Tækjastjórnun og öryggi snjalltækja 09. febrúar - Samsung Knox brúar bilið milli upplýsingaöryggis fyrirtækisins annars vegar og frelsi starfsmanns til einkalífs hins vegar. Knox er einföld í notkun fyrir notendur snjalltækja sem væntanlega mun auka öryggi til muna.
Ábyrgð og þjónusta 01. febrúar - Neytendur komast of oft að því að þeir sem standa í „gráum innflutningi“ uppfylla ekki skyldur sínar gagnvart neytendum. Það getur verið kostnaðarsöm lexía. Fyrir skóla (sem og aðra) er lykilatriði að tryggja góða þjónustu á tækjunum.
Sæmundarskóli velur spjaldtölvur frá Samsung 26. ágúst - Sæmundarskóli í Grafarholti hefur gert samning um að taka í notkun sextíu Galaxy Note spjaldtölvur til að þróa og efla skólastarf á öllum skólastigum. Ætlunin er að nýta spjaldtölvur eftir því sem við á í sem flestum fögum á öllum skólastigum.