Íslenska skiptir máli

Íslensk tunga er mörgum hugleikin. Við í Snjallskólanum erum þar engin undantekning. Við sperrum þess vegna eyrun sérstaklega þegar fjölmiðlar fjalla um máltækni og vekja athygli á mikilvægi þess að rækta tungumálið okkar á tækniöld. Af umræðunni er ljóst að enn eru margir sem halda að snjallsímar séu almennt ekki með íslensku notendaviðmóti og skilji ekki íslensku. Þetta er meinloka sem Snjallskólinn telur mikilvægt að leiðrétta enda vitum við að flestir vinsælustu Android símarnir eru með íslensku notendaviðmóti – og skilja auk þess íslensku alveg ótrúlega vel.

Þótt sannarlega séu til farsímar sem skilja ekki íslensku og eru ekki með íslenskt notendaviðmót eru sem betur fer til snjallsímar og spjaldtölvur sem bjóða upp á íslenskt notendaviðmót og skilja auk þess íslensku. Þannig mætti nefna að Galaxy snjallsímarnir frá Samsung hafa um margra ára skeið boðið upp á íslenskt notendaviðmót og skilja talaða íslensku hreint furðu vel.

Vitaskuld á þróun máltækni enn langt í land en eins og sést í myndbandinu hér að neðan erum við alls ekki á byrjunarreit þegar kemur að því að tala við snjalltækin okkar.


Íslenska-skiptir-máli-s

Lokað er fyrir athugasemdir.