Tækjastjórnun og öryggi snjalltækja

Snjalltæki hafa þegar hafið innreið sína inn í fyrirtæki og stofnanir landsins. Skólar eru þar engin undantekning. Sum þessara tækja eru raunar kominn býsna langt inn fyrir eldvegg og geta – ef ekki er að gáð – valdið nokkrum usla. Mörg fyrirtæki og stofnanir hafa gert sér grein fyrir, að halda þurfi utan um snjallsíma og spjaldtölvur með sambærilegum hætti og annan tölvubúnað sem veita á aðgang að netum, kerfum og gögnum.

Þess háttar íhlutanir falla ekki allar jafn vel í kramið hjá starfsmönnum sem finnst snjalltækin þeirra allt í einu ekki svo snjöll þegar búið er að banna uppáhalds „öppin“.

Þeir sem innleitt hafa einhverskonar tækjastjórn (e. Mobile Device Management) þurfa í flestum tilvikum að setja reglur um hvað notendur snjalltækja innan þeirra vébanda mega og hvað þeir mega ekki og er þessum reglum fylgt eftir með svokölluðum MDM-kerfum. Með þessu móti er umráðaréttur starfsmanna/notenda skilyrtur og frelsi þeirra til að nota snjalltækið skert.

Þannig má hugsa sér að vinnuveitandi banni notkun á tilteknum snjallforritum í þeim tækjum sem tengjast neti fyrirtækisins: banni Facebook, banni notkun myndavélar eða Dropbox, svo einhver dæmi séu tekin. Þess háttar íhlutanir falla ekki allar jafn vel í kramið hjá starfsmönnum sem finnst snjalltækin þeirra allt í einu ekki svo snjöll þegar búið er að banna uppáhalds „öppin“.

Hér kemur Samsung Knox til skjalanna. Knox brúar á vissan hátt bilið milli upplýsingaöryggis fyrirtækisins annars vegar og frelsi starfsmanns til einkalífs hins vegar.

Til einföldunar má segja að það sem Knox gerir sé að búa til tvö aðskilin sýndartæki í einu og sama tækinu.

Annað sýndartækið er í umsjá og á forræði fyrirtækisins og lýtur þeim reglum sem fyrirtækið setur og hefur því aðgang að að þeim netum, kerfum og gögnum sem starfsmaðurinn þarf á að halda starfs síns vegna.

Knox_PlatformSecurityHitt sýndartækið er alfarið á forræði starfsmannsins líkt og það væri undir engri tækjastjórn. Ekki er hægt að afrita eða flytja kerfisaðgengi eða gögn frá öðru sýndartækinu til hins. Í meginatriðum er virkni milli sýndartækjanna tveggja líkt og um tvö aðskilin tæki væri að ræða.

Samsung Knox er afar snjöll lausn. Hún er einföld í notkun fyrir notendur snjalltækja sem verður að teljast mikilvægur þáttur í því að hægt sé að innleiða lausnina þannig að starfsmenn bæði geti og vilji nota hana. Hún er fjölhæf og með öllum helstu stjórnkerfum (e. MDM) sem í boði eru í dag.

Knox_ForEnterprises

Lokað er fyrir athugasemdir.