Fyrsta íslenska orðabókin fyrir snjalltæki

Undir lok síðsta árs, á degi íslenskrar tungu, kom út snjallforritið Orð í tíma töluð. Um er að ræða tilvitnanaorðabók sem inniheldur um 7000 tilvitnanir sem sumar hafa hafa lifað með þjóðinni í þúsund ár meðan aðrar hafa orðið til á síðustu árum.

OrdITima-Crop1

Orðabókin kom fyrst út fyrir um 12 árum – þá sem hefðbundin orðabók – hefur verið ófáanleg um nokkurt skeið. Höfundur bókarinnar, Tryggvi Gíslason magister og fyrrverandi skólameistari MA, lét útbúa snjallforrit um orðabókina og er þetta fyrsta íslenska orðabókin sem kemur út fyrir snjalltæki, eftir því sem næst verður komist.

Hægt er að leita í appinu að tilvitnunum, einstaka orðum eða orðasamböndum eða hverju öðru sem notandanum sýnist. Stokkur Software sá um að gera appið eins vel úr garði og þeirra er von og vísa. Hér á snjallskoli.is skrifuðum við stutta umfjöllun um þetta ágæta app sem í þessari fyrstu útgáfu fær þrjár og hálfa stjörnu af fimm.

Þú getur sótt appið þér að kostnaðarlausu hjá Google Play.

Nánari upplýsingar er að finna á á vefsíðunni ord.tvr.is.

Lokað er fyrir athugasemdir.